మనసు

లేనిదాన్ని ఉందనుకొని
ఉన్నవీ లేనివీ ఊహించుకొని
ఊసులన్నింటినీ ఊహల్లో ఊరబెట్టి
లేనిది లేదనే ఉన్న నిజం తెల్సాక
ఊసురోమంటుంది - ఉరేసుకుంటానంటుంది

నీడ

నా నీడ..
నేను నడిస్తే నడుస్తుంది.
నేను ఆగితే ఆగుతుంది.
నేను నవ్వితే నవ్వుతుంది.
నన్ను నాకు అరుదైన విచిత్రంలా చూపుతుంది.

నన్ను వీడి ఓ క్షణం కూడా ఉండలేదేమోనన్నంత భ్రమ కలిగించి, నేను చీకటిలో దాగగానే మాత్రం చిట్టుక్కున్న మాయం అవుతుంది. అచ్చు.. నీలా..

నీడ తోడు కావాలనుకుంటే వెలుతురు తప్పనిసరి!